وليد توفيق لسيريانيوز " أختار جورج وسوف دون تردد..لغناء

" من المطربين السوريين أحب الاستماع لجورج وسوف و لأصالة نصري وعلي الديك ، وإذا سألوني عن مطرب أغني معه بحفل أو ديو أختار جورج بالتأكيد "هذا ما صرح به الفنان وليد توفيق لسيريانيوز في لقاء معه يوم الأربعاء .

وقد أطل الفنان وليد على الجمهور السوري من خلال إذاعة المدينة أف إم مع المذيع اللبناني فاروق درزي، كما شارك في افتتاح مهرجان المحبة في اللاذقية ، وافتتاح مهرجان دمشق الدولي .

دخلت سيريانيوز إلى استديو المدينة حيث كان الصحفيون والمصورون يتنافسون لملئ صحون السجائر ، والمصادرة على بقايا الأوكسجين الذي تبثه ابتسامات فريق المدينة.

وبدأ اللقاء بترحيب فاروق بوليد حيث رد عليه " أنا مو ضيف بسورية ، فانطلاقتي كانت من الشام بثلاث أفلام مهمين بحياتي ، وما رح ننسى أبدا كفنانين وكشعب كيف كان يتعامل الفنان اللبناني متل وأحيانا قبل السوري بالإذاعة السورية ".

وأضاف وليد " الشام هي بداياتي الأولية اللي بنيت فيها اسمي ، الشام وأهلها إلهم محبة بقلبي مابقدر بنساها ، وليالي الشام والياسمين ".

" وخلال الحرب قعدت من الـ74 للـ80 ، وكانت سورية مفتوحة لكل اللبنانيين ، وسجلت أبوكي مين ياصبية من ألحان ملحم بركات والإذاعة السورية ، وكانت بومبة ، وفلم سمك بلا حسك مع دريد لحام وصباح الجزائري".

وأشار توفيق إلى أن السنوات التي عاشها في سورية كانت " دعامة كبيرة لي بسورية وبالوطن العربي " ، وأن "كل النجوم السوريين اللي اشتغلت معهم ، كانوا نجوم على صدري".

و تحدث توفيق عن علاقته مع جورج وسوف " حبيبي وصديقي ..واللي إذا بمرق مدة ما بسمع صوتو فيها ، بتدايق ، وبروح لعندو ومنام عند بعض ، وبخاف عليه ".

ووقع توفيق على ألبومه الجديد في استوديوهات المدينة ، حيث يضم ألبوم يا بحر" 2007 ، إحدى عشرة أغنية تم تسجيلها في بيروت تنوعت ما بين المصري واللبناني.

وعن تجربته التمثيلية أشار توفيق إلى أن " اللي بيشتغل مع الكبير بصير كبير " مضيفا "ربيت بهالجو المحترم و إني اتعامل مع ناس كبار أمثال دريد ومحمود جبر ، كنت إجي على التصوير لاقي دريد جاي قبل مني بنص ساعة ، قوم تاني يوم فيق أبكر واجي مشان اجي قبلو".

وللفنان وليد 12 فيلما سينمائيا و ما يقارب ال1000 أغنية ، من أشهرها " عيون بهية " و " أبوكي مين ياصبية " و " مغرم بعيونك ".

و أكد وليد أنه "أغنى مطرب عربي " قائلا " اتخيل إنو صرلن تلاتين سنة بحبوني ، أكيد أنا أغنى مطرب عربي وصحيح هذا الكلام ".

ونفى توفيق أن يكون قد حقن وجهه بالبوتكس أو أجرى أي عمل جراحي لكنه في الوقت نفسه أوضح أنه " إذا اضطريت أعمل بعمل ، أنا ماشي رباني والله ناعم علي بكلشي ، وأنا مع هالأشيا بس ضمن حدود ".

وتطرق وليد في حديثه إلى زوجته جورجينا رزق ملكة جمال الكون " أم علي حبيبة قلبي ، هي ام ولادي ، شاطرة بالطبخ و بتعمل أي شي بدك ياه مجدرة و تبولة وبتعجبك ، وأنا رجل شرقي مرة عرضو علينا فلم ب3 ملايين دولار نمثل فيه أنا وهي رفضت لأنو هي لبيتي ".

وتمنى توفيق أن " تبقى الرقاصة رقاصة والملكان ملكان و المذيعة مذيعة ، بس اختلط الحابل بالنابل ولو كل واحد بقي باختصاصو كنا بقينا بألف خير ".

وعن عدم تجديده للعقد مع شركة روتانا قال توفيق " طول عمري أنا المنتج ، وأنا بعطي الشركات ولما فتت بشركة هي تنتجلي حبستني ، بقرارات ما بتمشي مع نجم بحجمي _مع تواضعي واحترامي للكل_".

وأضاف توفيق "الشركة ما بتعطيك حقك ، كمل عقدي وما صار تجديد بس ما تم الغاء العقد بس بعد ما خلص العقد و صار اشكال ، كتر الحكي والسبب هو الصحافة".

وعندما سأل فاروق الفنان وليد عن إمكانية أن يكون له بيت في سورية قال " كل بيوت سورية لإلي ، ما بتعرف شو علاقتي بالبلد وبالناس اللي هون ، إذا بدي عد صحابي وعلاقاتي ما بخلص ، الحقيقة مش مجاملة ولا تمسيح جوخ ، وحتى بقرطاج نص فرقتي اللبنانية سورية ، نحنا ربينا سوا وهيك منضلنا إن شاء الله " .

المصدر:
http://www.syria-news.com/var/articlem.php?id=2099